Allir á Rokkstokk

• Fréttir
• 12. febrúar 2010

Rokkstokk 2010 hljómsveitarkeppni verður haldin í Frumleikhúsinu í Reykjanesbæ laugardaginn 20. febrúar klukkan 17.00. Grindvískar hljómsveitir eru hvattar til þess að skrá sig og vera með. Keppnin er haldin í samstarfi við Rás 2 og mun verða tekin upp og flutt í útvarpsþættinum Skúrnum. Meðal verðlauna eru upptökutímar frá Geimsteini, verðlaun frá Tónastöðinni og margt fleira.

Kynnar verða Sigfús Jóhann Árnason og Davíð Már Gunnarsson.

Miðaverð er 500 krónur.

Rokkstokk er samstarfsverkefni Samsuð (samtaka félagsmiðstöðva á Suðurnesjum), styrkt af menningarráði Suðurnesja. Frestur til að skrá sig til leiks rennur út n.k. sunnudag.

Skráning og allar nánari upplýsingar á www.rokkstokk.net.  

• Síðast uppfært: 12. febrúar 2010