Framkvæmdir eru hafnar við að innrétta efstu hæðina, þriðju hæð, að Víkubraut 62 á vegum Grindavíkurbæjar. Þar verða skrifstofur og fundarsalur fyrir bæjarskrifstofurnar en aðstaða á 1. og 2. hæð rýmar ekki með góðum hætti alla starfsemina. Það er verktakafyrirtækið Grindin sem sér um breytingarnar á þriðju hæðinni.
Í morgun var hafist handa við að rýma hæðina sem hefur verið notuð sem geymsla fram að þessu. Þar leyndist ýmislegt skemmtilegt sem flutt verður í geymslu í áhaldahúsi bæjarins.