Stórskemmtilegt þorrablót var í Hópsskóla í dag þar sem nemendur og starfsfólk skólans blótuðu þorra á sal skólans. Nemendurnir höfðu útbúið eigin víkingahjálma og sungu svo hvert þorralagið á fætur öðru undir stjórn skólastjórans. Greinilegt er að morgunsöngurinn í Hópsskóla er farinn að skila sér því krakkarnir sungu í einum kór íslensku þorralögin af stakri snilld. Þá voru kynntir íslenskir þorrasiðir fyrir krökkunum.
Að endingu var svo boðið upp á þorramat og grjónagraut og kunnu krakkarnir vel að meta það. Þau voru óhrædd að smakka þorramatinn þótt sum þeirra hefðu ekki alveg lagt í það að þessu sinni.
Myndirnir voru teknar í þorraveislunni í morgun.