Stormviðvörun - Grindvíkingar verði á varðbergi

• Fréttir
• 21. janúar 2010

Grindvíkingar eru beðnir að vera á varðbergi vegna vonsku veðurs sem spáð er í dag og kvöld en Veðurstofan hefur gefið út viðvörun. Bæjarbúar eru hvattir til þess að huga að öllu lauslegu sem gæti fokið. Búist er við stormi sunnantil á landinu síðdegis og mikilli úrkomu, sérstaklega við ströndina.

Vaxandi suðaustan- og austanátt og rigning, 18-25 m/s síðdegis, hvassast við ströndina og bætir í úrkomu, einkum austantil. Mjög hvassar vindhviður við fjöll austantil. Snýst í sunnan 8-13 með skúrum í nótt, en hægari á morgun. Hiti 3 til 8 stig.

Myndin var tekin á bryggjunni snemma í morgun í vonsku veðri þegar var verið að landa úr Ágústi GK 95.

• Síðast uppfært: 21. janúar 2010