Auglýst eftir framboðum til prófkjörs Framsóknarfélags Grindavíkur

• Fréttir
• 20. janúar 2010

Í byrjun mars n.k. fer fram prófkjör vegna framboðs framsóknarmanna í Grindavík til bæjarstjórnarkosninga þann 29. maí 2010. Auglýsir Framsóknarfélag Grindavíkur hér með eftir fólki sem hefur áhuga á að gefa kost á sér í prófkjörinu. Framboðsfrestur rennur út kl. 21.00 föstudaginn 05. febrúar 2010 og skal framboðum skilað skriflega til Gunnars Más Gunnarssonar, Glæsivöllum 18b. Kjörnefnd mun gefa út nánari reglur um prófkjörið sjálft.

Í tilkynningu frá Framsóknarfélagi Grindavíkur segir að ,,með þátttöku í prófkjöri og síðar félagsstarfi framsóknarfélagsins gefst þér kostur til þess að hafa raunveruleg áhrif á bæjarmálin og hugað að hagsmunum Grindvíkinga í lýðræðislegu umhverfi."

Nánari upplýsingar er hægt að nálgast hjá Gunnari Má í síma 865-2900 og á netfanginu gunnar.gunnarsson@sjova.is  

• Síðast uppfært: 20. janúar 2010