Skemmtileg jólastemmning var í Landsbankanum síðasta föstudag. Gestum og gangandi var boðið upp á vöfflur og þá tóku nemendur Tónlistarskólans sig til og spiluðu fyrir gesti og gangandi. Grindavíkurdeild Rauða krossins stóð fyrir pakkasöfnun en hægt var að fara með pakkana undir jólatréð í bankanum og verður þeim komið í góðar hendur fyrir jólin. Hugmyndina að pakkasöfnuninni átti Kristín Arnberg.