Fimmta tölublað Járngerðar á árinu kom út fyrir helgi en þar er að finna fréttir af bæjarmálefnum. Forsíðuna prýðir mynd frá friðargöngunni í Grindavík en blaðið er að mestu helgað vígslu Hópsskóla. Þá skrifar Ólafur Örn Ólafsson bæjarstjóri pistil undir fyrirsögninni Stöndum saman. Víða er komið við í blaðinu, menningarlífið, handverkfólk, slökkviliðið, grunnskólinn, tónlistarskólinn, GRAL og Metanólverksmiðja kemur við sögu ásamt ýmsu öðru.
Á baksíðunni er svo ávarp frá samráðshópi um forvarnir í Grindavík. Ritstjóri og ábyrgðarmaður Járngerðar er Þorsteinn Gunnarsson, upplýsinga- og þróunarfulltrúi, Stapaprent sá um prentvinnu. Járngerði er einnig hægt að nálgast á hér á heimasíðu bæjarins.