Rauði krossinn gefur bókasafninu Íslenskuspilið

• Fréttir
• 20. desember 2009

Grindavíkurdeild Rauða kross Íslands færði Bókasafni Grindavíkur Íslenskuspilið að gjöf á dögunum. Markmið Íslenskuspilsins er að þjálfa útlendinga í málnotkun og hjálpa þeim þannig að tjá sig á íslensku sem auðveldar þeim án efa að taka þátt í íslensku samfélagi.

Íslenskuspilið er íslensk uppfinning og var unnið í samvinnu við Þekkingasetur Þingeyinga af Selmu Kristjánsdóttur. Það fékk í haust viðurkenninguna ,,European Language Label 2009" eða Evrópumerkið, sem er viðurkenning fyrir nýbreytni á sviði tungumálanáms og tungumálakennslu.

Margrét Gísladóttir forstöðumaður bókasafnsins sagði þetta kærkomna gjöf og vonast til að nýbúar nýti sér þessa bráðskemmtilegu leið til að auka færni sína í íslensku að því er segir á heimasíðu Rauða krossins.

• Síðast uppfært: 20. desember 2009