Grindavíkurdeild Rauða krossins stendur fyrir pakkasöfnun á föstudaginn. Grindvíkingar eru hvattir til þess að líta við í Landsbankanum þann dag og koma með ómerkta pakka að öðru leiti en því að fram komi hvort gjöfin er fyrir dreng eða stúlku og fyrir hvaða aldur hún er. Rauði krossinn kemur svo gjöfunum í góðar hendur fyrir jólin.
Jafnframt mun Landsbankinn bjóða upp á vöfflur fyrir gesti og gangandi ásamt lifandi tónlist. Það ríkir því sannkölluð jólastemmning í Landsbankanum á föstudaginn.