Ólafur Örn tekinn til starfa - Heilsaði upp á starfsmenn bæjarins

• Fréttir
• 10. desember 2009

Fyrsti vinnudagur Ólafs Arnar Ólafssonar bæjarstjóra Grindavíkur var í dag en hann var sem kunnugt er ráðinn til starfans á bæjarstjórnarfundi í gærkvöldi. Ólafur notaði daginn til þess að heilsa upp á starfsfólk Grindavíkurbæjar, síðasti viðkomustaðinn var stærsti vinnustaður bæjarins, grunnskólinn.

Ólafur sagði við kennara skólans að hann hefði ekki átt von á því fyrir viku síðan að vera kominn aftur í grunnskólann að heilsa upp á starfsmennina sem bæjarstjóri á nýjan leik en enginn vissi sinn næsturstað. Sagðist hann fullur tilhlökkunar að takast á við verkefnin sem eru framundan og vonaðist eftir góðu samstarfi við alla starfsmenn bæjarins.

• Síðast uppfært: 10. desember 2009