Í vetur hefur verið boðið upp á hljóðfærakennslu 5. bekkja. Námið fer þannig fram að nemendur velja sér hljóðfæri eftir áhuga en í boði eru fiðla, þverflauta, saxafónn, klarínett, trompet og söngur. Hálfur bekkur fer í senn út úr kennslustund og klofnar í þrjá u.þ.b. þriggja manna hópa niður í hljóðfærakennsluna. Hefur þessi tilraun heppnast vonum framar og ekki annað að sjá en að nemendur sýni náminu áhuga og hafi gaman af.