Ingó mætti óvænt í grunnskólann

• Fréttir
• 27. nóvember 2009

Nú standa yfir þemadagar í grunnskólanum. Þegar nemendur skólans voru að gæða sér á kakósúpu með koddum í hádeginu birtist óvæntur gestur í sal skólans, hinn eini og sanni Ingó í Veðurguðunum. Þessi vinsæli tónlistarmaður var með gítarinn í farteskinum og tók nokkur af vinsælustu lögum sínum fyrir krakkana sem tóku hressilega undir.

Nemendur og kennarar mættu í íþróttabúningum í skólann í morgun og mátti sjá búninga allt frá Grindavík til Ipswich. Einnig sáust einstaka Liverpool og Manchester United búningar og einn Arsenal og einn Juventus, svo eitthvað sé nefnt.

Á morgun verður jólaföndur í grunnskólanum og þá getur að líta afrakstur þemadaganna í skólanum þar sem nemendum er skipt í hópa og raðað saman eftir mismunandi aldri.

• Síðast uppfært: 27. nóvember 2009