Tónlistarmaðurinn landskunni Bubbi Morthens er á ferð með kassagítarinn um landsbyggðina þessa dagana. Hann kemur við í Grindavík á morgun , miðvikudag, og verður með tónleika í Saltfisksetrinu kl. 20:30 en húsið opnar hálftíma fyrr.
Á efnisskránni verða ný lög í bland við eldra efni, svona klassískir Bubba tónleikar líkt og segir í tilkynningu. Bubbi hefur lengst allra tónlistarmanna farið skipulega um landið ár eftir ár og fara árin að nálgast 30 sem hann hefur heimsótt fólkið á landsbyggðinni með kassagítarinn að vopni. Miðaverð er 2.000 kr.