Bókmenntakvöld verður á kaffihúsinu Bryggjunni í kvöld, fimmtudag, kl. 20:30. Tveir af fremstu rithöfundum þjóðarinnar, Einar Kárason og Ólafur Gunnarsson, mæta og lesa úr bókum sínum, segja sögur og slá á létta strengi.
Þá mun sönghópurinn Stigamenn taka lagið eins og þeim einum er lagið. Þetta verður því afar skemmtilegt bókmenntakvöld sem enginn ætti að láta fram hjá sér fara.
Þetta er annað bókmenntakvöldið á Bryggjunni í þessari viku og fleiri slík framundan.