Bæjarráð tekur jákvætt í þau erindi frístunda- og menningarfulltrúa frá 61. fundi menningar- og bókasafnsnefndar, að bæjarfélagið veiti viðurkenningu vegna menningarstarfs í Grindavík og einnig að tilnefndur sé bæjarlistamaður Grindavíkur.
Bæjarráð óskar eftir nánari útfærslu frá nefndinni vegna þessara erinda.
Þá komu forsvarsmenn Grindvíska atvinnuleikhússins, GRAL, til fundar við bæjarráð til viðræðna um samstarfssamning við bæinn. Bæjarráð óskar leikhópnum til hamingju með frábæra aðsókn að barnaleikritinu ,,Horn á höfði" og tekur vel í þá hugmynd að setja saman hóp til frekari viðræðna um framtíðarsamstarf leikfélagsins og bæjarins.