Eiríkur Leifsson hefur verið ráðinn framkvæmdastjóri knattspyrnudeildar Grindavíkur. Hann tekur við af Ingvari Guðjónssyni sem hættir eftir rúman áratug en hann er orðinn framleiðslustjóri hjá Optimal.
Eiríkur er 43. ára og búsettur í Grindavík. Sambýliskona hans er Laufey Vilmundardóttir. Hann er lærður rafvirki og símvirki og hefur unnið undanfarin átta ár hjá Nýherja þar sem hann hefur unnið við uppsetningar og þjónustu á símstöðvum. Eiríkur hefur setið í stjórn knattspyrnudeildar í ár. Hann segir að starfið leggist afar vel í sig og muni kappkosta að eiga gott og traust samstarf við stuðningsmenn, bakhjarla, leikmenn og velunnara félagsins.
Eiríkur tekur formlega til starfa hjá knattspyrnudeildinni í byrjun janúar. Alls sóttu sex mjög hæfir einstaklingar um starfið.