Á morgun, föstudaginn þrettánda, mun Bókasafn Grindavíkur standa fyrir upplestri á Norðurlandatungumálunum á kaffihúsinu Bryggjunni í hádeginu og hefst upplesturinn kl. 12. Nú stendur yfir norræna bókasafnavikan og þema vikunnar er Stríð og friður á Norðurlöndunum.
Upplestur verður á sænsku, færeysku, dönsku og norsku og er efnið úr ýmsum áttum, allt frá barnaefni til spennusagna. Lesarar eru Þorsteinn Gunnarsson, Ragna Fossádal og Kristín Mogensen. Allir eru velkomnir í hádeginu á morgun, föstudag, og er hægt að kaupa sér súpu og brauð!