www.ferlir.is er áhugaverður vefur um útivist og hreyfingu.  Hægt er að fylgjast með hvar Ferlishópurinn er á leið og jafnvel hægt að slást í hópinn.  Grindvíkingar geta fengið mikið af upplýsingum um staðhætti í Grindavík og fengið lýsingar af skemmtilegum svæðum á Stór-Grindavíkursvæðinu.  Vefurinn virkar sem hvetjandi til útivistar og hreyfingu.  Skoðið vefinn vandlega, takið fram skónna, upp með góða skapið og sláist í för.........
Krækja á www.ferlir.is er hérna til hægri.
Hér má sjá dæmi um ferð sem var farinn á laugardaginn síðasta....

08:38 | FERLIR-545: Húshólmi.

Gengið var um Húshólma, einn merkilegasta stað hér á landi út frá sjónarmiði fornleifafræðinnar. Fyrri rannsóknir hafa leitt í ljós að ofan á pælunni við einn garðinn í Hólmanum er landnámsöskulagið frá 872. Í Hólmanum og við hann eru miklir garðar, jarðlægt hringlaga gerði í svonefndri Kirkjuflöt, skáli með sveigðum veggjum, bátslaga skáli með stoðholaröð eftir honum endilöngum, sérkennilega hringlaga brunagöt í hrauninu, tóft niður við Hólmasundið o.fl., auk selstöðuminja. Svipaðir garðar eru í Óbrennishólma, skammt norðvestar.
Mikilvægt er að ganga um svæðið með virðingu og hafa mögulegt mikilvægi þess í huga fyrir íslenska framtíðarsögu. Opinberun þess bíður handan við hornið.
Húshólmi er enn einn merkistaðurinn í umdæmi Grindavíkur.
Sjá nánar Lýsingar undir Skrár (FERLIR-545).

• Síðast uppfært: 10. maí 2004