Malbikunarframkvæmdir á Suðurstrandarvegi

• Fréttir
• 23. september 2009

Í þessari viku verður hafist handa við að leggja bundið slitlag á fimmtán kílómetra kafla á Suðurstrandarvegi, frá Þorlákshöfn og niður í Selvog. Samkvæmt verkáætlun verktakans NKH-verktakar á Ísafirði verður svo byrjað að vinna við veginn vestan við Selvog um áramót og kaflinn að Krýsuvík kláraður næsta sumar.

Eins og greint var frá á heimasíðunni á dögunum á aðeins eftir að bjóða út 15 km kafla frá Krýsuvíkurvegi að Ísólfsskóla en nú er ljóst að hann verður ekki boðinn út í haust eins og til stóð. Að sögn Svans Bjarnasonar, svæðisstjóra Suðursvæðis hjá Vegagerð ríkisins, getur hann engu svarað til um á þessari stundu hvenær þessi áfangi verður boðinn út. Í upphafi ársins stóð til að bjóða hann út nú í haust en það er ljóst að það verður ekki vegna niðurskurðar á fjármagni til vegamála og alls óljóst hvort það verður á næsta ári.

• Síðast uppfært: 23. september 2009