Nú eru aðeins tveir dagar í réttardaginn í Grindavík en Þórkötlustaðaréttir verða á laugardaginn kl. 14:00. Eins og áður hefur verið greint frá verður haustmarkaður kl. 13 og ratleikur í tengslum við réttirnar. En ýmislegt fleira verður á boðstólum eins og t.d. að starfsfólk á leikskólanum Króki verður með kaffisölu. Allur ágóði fer í að fjármagna námsferð þeirra.
Tónlistaratriði verður frá Harmonikkufélagi Suðurnesja. Jafnframt verða hestar í reiðhöllinni og geta börn fengið að fara á bak þar sem teymt verður undir þeim.
Upplifið sannkallaða réttarstemningu í Grindavík