98% ánægðir með tjaldsvæðið

• Fréttir
• 17. september 2009

Á fundi bæjarráðs í gær lá fyrir viðhorfskönnun meðal gesta á nýju tjaldsvæði bæjarins á liðnu sumri sem upplýsinga- og þróunarfulltrúi bæjarins sá um. Helstu niðurstöður eru að 98% gestanna voru ánægðir með tjaldsvæðið og töldu það í háum eða góðum gæðaflokki. 

Um þriðjungur erlendra gesta sem dvaldi á tjaldsvæðinu var annað hvort að koma úr flugi eða á leið í flug. Um þriðjungur valdi tjaldsvæðið til að skoða sig um í Grindavík og nágrenni. Gott orðspor virtist hafa töluverð áhrif á innlenda gesti. Öll þessi svör ættu að nýtast við markaðssetningu á tjaldsvæðinu á næsta ári. Flestar athugasemdir við tjaldsvæðið sem gerðar voru sneru að sturtuaðstöðu og svo þvotta- og eldunaraðstöðu. Tilkoma þjónustuhússins kemur til móts við þessar athugasemdir.

Fram kom að gestir voru ánægðir með þjónustu umsjónaraðila tjaldsvæðisins sem voru á vegum Vinnuskólans.

• Síðast uppfært: 17. september 2009