Nú styttist í réttardaginn í Grindavík en dregið verður í dilka næsta laugardag kl. 14. Líkt og við greindum frá í gær hafa a.m.k. 13 aðilar skráð sig á haustmarkaðinn. Til þess að skapa enn skemmtilegri stemmningu verður júdódeildin með kjötsúpusölu á staðnum og verður kjötsúpan að sögn kraftmikil og sérlega bragðgóð.
Jafnframt verður Harmonikufélag Suðurnesja á staðnum og tekur lagið og því ætti réttarstemmningin að verða eins og best verður á kosið.