Að undanförnu hefur trjám verið plantað í austurhlið Þorbjarnar skammt frá Grindavíkurvegi en það hefur ekki verið gert áður á þessum stað. Verður fróðlegt að fylgjast með því hvernig sú trjárækt gengur en búið er að planta 7700 trjám við Þorbjörn í sumar í sérstöku atvinnuátaki.
Vinnumálastofnun samþykkti átaksverkefni í sumar, annars vegar til að hreinsa út úr Festi og hins vegar til að fegra umhverfið í hlíðum Þorbjarnar og gróðursetja og gekk hvort tveggja mjög vel.
Myndin var tekin við gróðursetninguna við Þorbjörn í morgun.