Grunnskóli Grindavíkur hefst á morgun, þriðjudaginn 25. ágúst. Fánar og borðar hafa verið settir upp í bænum til að minna ökumenn á að fara varlega í nágrenni skólans. Nemendur í 1. bekk eru til að mynda að stíga sín fyrstu spor í umferðinni.
Skólasetningin á morgun, þriðjudag, verður á sal skólans:
5., 6. og 7. bekkur kl. 9:30
2., 3. og 4. bekkur kl. 10:30
Sama dag mæta nemendur í 1., 8., 9., og 10. bekk í viðtöl ásamt foreldrum sínum. Kennsla hefst hjá öllum árgöngum samkvæmt stundaskrá miðvikudaginn 26. ágúst.
Skráning í Skólasel fer fram í Skólaseli og á skrifstofu skólans mánudaginn 24. ágúst frá kl. 13.00 og þriðjudaginn 25. ágúst. Innritun nýrra nemenda fer fram á skrifstofu skólans dagana 17. - 21. ágúst.