Undanfarna mánuði hefur verið unnin forkönnun og verkefnaáætlun vegna strandveiða á Suðurnesjum. Verkefnið hefur verið unnið af sveitarfélaginu Garði og Þorsteini Geirssyni (ráðgjafa). Af þeim sökum er hagsmunaaðilum boðað til fundar á veitingastaðnum Flösinni þann 13. ágúst kl. 11.30 fh.
Boðið er upp á súpu, fisk og meðlæti á kr. 1,500,- tilkynnið þátttöku á netfangið asmundur@svgardur.is
Helstu niðurstöður forkönnunarinnar eru:
Fjöldi strandveiðimanna í N. Evrópu er áætluð um 10 milljónir manna.
Lítil sem engin þjónusta er við strandveiðimenn á Íslandi
Lykilatriði til árangurs hafa verið skilgreind
Markhópurinn "strandveiðimenn" er mun stærri en markhópurinn lax og silungsveiðimenn
Mestu hluti tekna af strandveiðimönnum skapast vegna þjónustu
Opinberar tölur frá Bretlandi benda til þess að strandveiði þar í landi skapi meiri tekjur (beinar og óbeinar) en sem nemur tekjum af veiðum skipa og báta þar í landi
Sérstaða Íslands er m.a: Góð veiði, fjölbreitt náttúra, strandlengjan, nálægð við alþjóðlega markaði (Evrópa / USA)
Strandlengja Íslands er vannýtt auðlind
Strandveiðimenn ferðast mikið saman í hópum og veiða á ströndum N.Evrópu
Talið er að lax og silungsveiði hér á landi afli þjóðarbúinu á bilinu 7-9 milljarða kr. á ári. Þar af er endurgjald til veiðiréttareigenda eingöngu um 15%
Þekking á lífríki sjávar
Á þennan fund er hagmunaaðilum á Suðurnesjum boðið og mun þeim í framhaldinu verða boðin þátttaka í verkefninu