Grindavík reif sig upp úr fallsæti úrvalsdeildar með því að leggja Val að velli með 3 mörkum gegn 1 í úrvalsdeild karla í knattspyrnu. Bogi Rafn Einarsson, Páll Guðmundsson og Gilles Ondo skoruðu mörk Grindavíkur.
Sigurinn var ákaflega þýðingarmikill. Grindavík lék án Orra Freys Hjaltalíns fyrirliða og Óla Baldurs Bjarnasonar sem voru í leikbanni. Norðmaðurinn Tor Erik Moen lék sinn fyrsta leik fyrir Grindavík þegar hann kom inn á sem varamaður og greinilegt að þar er öflugur leikmaður á ferð.
Ray Anthony Jónsson var fyrirliði Grindavíkur í fyrsta sinn:
,,Já ég er mjög sáttur, við börðumst allir. Maður var svolítið stressaður þarna til að byrja með eftir að þeir minnkuðu muninn en um leið og við fórum að spila boltanum niðri þá gekk þetta og náðum að setja eitt í seinni hálfleik," sagði Ray eftir leikinn við Fótbolta.net
Staðan í deildinni er þessi:
1. FH 15 13 1 1 43:12 40
2. KR 14 8 3 3 30:18 27
3. Fylkir 15 8 2 5 24:16 26
4. Keflavík 15 6 6 3 25:26 24
5. Stjarnan 15 7 2 6 34:25 23
6. Valur 15 6 2 7 18:27 20
7. Fram 14 5 3 6 21:17 18
8. Breiðablik 15 5 3 7 21:27 18
9. Grindavík 14 4 3 7 19:28 15
10. ÍBV 14 4 2 8 15:25 14
11. Fjölnir 15 3 3 9 18:29 12
12. Þróttur 15 3 2 10 19:37 11
Næsti leikur Grindavíkur er á sunnudaginn gegn Þrótti á Valbjarnarvelli.
Á myndinni eru Tor Erik, nýjasti liðsmaður Grindavíkur og Óli Stefán Flóventsson en þeir léku saman með Vard í Noregi.