Í gær var hafist handa við við fegrun og gróðursetningu í Selskógi, í hlíðum Þorbjarnar. Þetta er atvinnuátak á vegum Skógræktarfélags Íslands og Vinnumálastofnunar en um er að ræða 20 störf í tvo mánuði.
Unnið hefur verið að uppgræðslu Selskógar undanfarna áratugi. Nú verður lögð áhersla á að hreinsa svæðið og planta niður trjám. Í átaksverkefnum er kallað til fólk af atvinnuleysisskrá. Um 100 manns eru á atvinnuleysisskrá í Grindavík. Tveir ungir menn sem rætt var við í gær voru hæst ánægðir að vera komnir í vinnu og mjög sáttir að geta verið úti í náttúrunni.
Þegar vinnuhópurinn kom í Selskóg í gær var töluvert rusl í jaðri skógarins eftir helgina og töluvert um glerbrot. Umgengni í Selskógi hefur því miður verið ábótavant en vonandi tekst að gera Selskóg að fyrirmyndar útivistarstað Grindvíkinga í framtíðinni.