Afhentu Frank hluta af aðgangseyri

• Fréttir
• 30. júní 2009

Leikmenn Grindavíkur afhentu í gær Frank Bergmann Brynjarssyni hluta af aðgangseyri á leik Grindavíkur og Keflavíkur síðasta sunnudag. Orri Freyr Hjaltalín fyrirliði og Ray Anthony Jónsson varafyrirliði afhentu Frank myndarlega upphæð fyrir hönd liðsins og óskuðu honum velfarnaðar í baráttu sinni við illvígan sjúkdóm en Frank heldur til Svíþjóðar í vikunni á nýjan leik til læknismeðferðar.

Frank þakkaði sínu uppáhaldsfélagi kærlega fyrir stuðninginn og tók í höndina á hverjum einasta leikmanni liðsins.

Neðri myndin var tekin í búningsklefa Grindavíkur af Frank og Grindavíkurliðinu í gærkvöldi.

• Síðast uppfært: 30. júní 2009