Síðasta leikjanámskeiðið í næstu viku - Fjölbreytni í leik og fræðslu

• Fréttir
• 26. júní 2009

Á sumrin stendur börnum á aldrinum 6 - 12 ára til boða að sækja leikjanámskeið á vegum Grindavíkurbæjar. Nú er komið að síðasta námskeiðinu sem verður í næstu viku. Hægt er að velja um að vera fyrir/eftir hádegi eða allan daginn.  Heit máltíð í hádeginu fyrir þá sem eru allan daginn.

Á námskeiðunum er lögð áhersla á fjölbreytni í leik og fræðslu. Boðið er upp á íþróttir, leiki, listir og fullt af skemmtilegum uppákomum sem tengjast mannlífinu í Grindavík. Farið verður í vettvangsferðir, sund og ótal margt fleira en myndin var einmitt tekin af krökkunum á námskeiðinu sem voru í Húsdýragarðinum í vikunni.

Skráning í félagsmiðstöðinni Þrumunni eða í síma 660 7310.

• Síðast uppfært: 26. júní 2009