Eyjólfur Bragason, verkefnastjóri um Menntaskóla Grindavíkur, gerði bæjarráði grein fyrir vinnubrögðum nefndar sem skipuð var af menntamálaráðherra um stofnun framhaldskóla í Grindavík. Fram kemur að verkefnastjóri er ekki sáttur við vinnubrögð nefndarinnar sem haldið hefur þrjá fundi frá því 12. febrúar s.l. án þess að skila niðurstöðu.
Bæjarráð tekur undir með verkefnastjóra og lýsir yfir vonbrigðum með störf nefndarinnar sem ekki eru í neinu samræmi við góðan vilja og viðbrögð ráðherra við ósk bæjaryfirvalda um stofnun framhaldsskóla.