Sigurður Ragnar Eyjólfsson, landsliðsþjálfari A landsliðs kvenna, mætti á æfingu hjá 5. flokki drengja og 6. flokki stúlkna og drengja í gær ásamt landsliðsstelpunum Söru Björk Gunnarsdóttur og Fanndísi Friðriksdóttur.
Krakkarnir tóku vel á móti gestunum og spiluðu Sara Björk og Fanndís með stúlknaflokknum ásamt því að þær gáfu krökkunum mynd af landsliðinu sem þær árituðu.
Sigurður Ragnar fór að lokinni æfingu í grunnskólann þar sem hann hélt fyrirlestur fyrir 2. og 3 flokk kvenna ásamt fleiri gestum.
Fyrirlesturinn var afar fróðlegur og mikill fengur fyrir knattspyrnudeildina að fá landsliðsþjálfarann í heimsókn. Eysteinn Hauksson, yfirþjálfari yngri flokkanna, hafði veg og vanda af heimsókninni.