Það hafa heldur betur átt sér stað umskiptin hjá stúlkunum að undanförnu því eftir mjög dapurt gengi í vetur hafa stúlkurnar svo sannarlega tekið við sér og verið að færa sig nær efri liðum deildarinnar. Sjálfstraustið skín af stúlkunum þessa dagana og með það í farteskinu tóku þær á móti KR-ingum í Röstinni.  Stúlkurnar sýndu KR-ingum enga gestrisni að þessu sinni heldur fóru hreint á kostum í þessum leik og KR-ingar urðu því engin fyrirstaða og úrslitin urðu því 20 stiga sigur 84-64.  Stúlkurnar skiptu stigaskorinu nokkurn veginn jafnt á milli sín, en Ke-Ke fór þó fyrir sínu liði eins og við var að búast.  Ólöf Helga átti skínandi leik þar sem hún skoraði 12 stig, gaf 12 stoðsendingar og tók 8 fráköst og Perúnella skoraði 13 stig.