Bæjarráð hefur samþykkt að leggja til umfram fjármagn að upphæð 7 milljónir kr. í Vinnuskóla Grindavíkur í sumar vegna ungmenna sem eru fædd 1991 og 1992 og vísar því til endurskoðunar fjárhagsáætlunar.
Bæjarráð telur mikilvægt á þessum tímum að koma til móts við ungmenni í bæjarfélaginu með því að gera þeim kleift að vera í Vinnuskólanum í sumar en 8. til 10. bekkur (að þessu sinni árgangar '95, '94 og '93) eru þar öllu jöfnu. Unglingar fæddir '91 og '92 sem ekki hafa fengið vinnu á almennum vinnumarkaði geta því sótt um hjá Vinnuskólanum.