Karlalið Grindavíkur í knattspyrnu heimsækir Fjölni í kvöld kl. 19:15 á Grafarholtsvelli í 3. umferð Íslandsmótsins í knattspyrnu. Bæði lið eru án stiga og leikurinn í kvöld því afar mikilvægur fyrir bæði lið. Liðin urðu jöfn í 6. sæti á síðustu leiktíð með 31 stig en Grindavík vann í Grafarvogi 1-0 þar sem Grétar Hjartarson skoraði sigurmarkið.
Kvennalið GRV tapaði fyrir Þór/KA í sínum fyrsta heimaleik á leiktíðinni, 0-3, fyrir framan 250 áhorfendur á Grindavíkurvelli. Norðanstúlkur gerðu út um leikinn í fyrri hálfleik. GRV er með 3 stig eftir 3 leiki í deildinni.