Bókaverðlaun barnanna fyrir árið 2008 voru veitt á sumardaginn fyrsta í Borgarbókasafni. Kristín Helga Gunnarsdóttir hlaut verðlaun fyrir bók sína Fíasól er flottust og Guðni Kolbeinsson fékk verðlaun fyrir þýðingu sína á bókinni Skúli skelfir og villta, tryllta tímavélin. Um 5 þúsund börn á öllu landinu tóku þátt í valinu. Í Grindavík tóku 102 krakkar þátt, en flestir greiddu atkvæði á skólasafninu, síðan var dregið úr öllum atkvæðaseðlunum og sú heppna var Svava Lind Kristjánsdóttir og fékk hún Spurningabókina 2008 í vinning. Takk fyrir að vera með krakkar!