Svavar Sigurðsson, fyrrverandi formaður knattspyrnudeildar UMFG, varð sjötugur síðastliðinn laugardag. Við það tækifæri var hann sæmdur gullmerki Ungmennafélags Grindavík, KSÍ og Hugins á Seyðisfirði.
Á myndinni er Gunnlaugur Hreinsson, formaður UMFG, að næla gullmerkinu í Svavar, Jónas Þórhallsson stendur álengdar og fylgist með. Knattspyrnudeild Grindavíkur gaf Svavari einnig gjöf í tilefni dagsins en það var veglegt veggspjald með myndum af Svavari í eldlínunni í Grindavík á sínum tíma.