Karlalið Grindavíkur í knattspyrnu mætir Fylki í 8 liða úrslitum deildarbikarsins í Reykjaneshöllinni í kvöld kl. 20:30. Grindavík vann sinn riðil í deildarbikarnum nokkuð sannfærandi og lagði Keflavík í síðasta leiknum 3-1.
Grindavík verður án Scott Ramsey og Óttars Steinarssonar sem verða í leikbanni. Nýjasti liðsmaður Grindavíkur, Frakkinn Silvain Soumare, leikur sinn fyrsta opinbera leik með Grindavík í kvöld.
Fram undan er lokaspretturinn í undirbúningi fyrir fótboltasumarið. Strákarnir fara til Vestmannaeyja á fimmtudaginn og verða fram á sunnudag og leika þar tvo leiki við heimamenn.
Grindvíkingar eru hvattir til þess að fjölmenna í Reykjaneshöllina í kvöld en Grindavík hefur ekki komist svona langt í deildarbikarnum síðan 2003.