Hrina smáskjálfta í Fagradalsfjalli á Reykjanesskaga hélt áfram í gærkvöldi en nokkuð lítið var um skjálfta í nótt, að sögn Þórunnar Skaptadóttur, jarðfræðings hjá Veðurstofu Íslands. Í morgun hófst hins vegar önnur skjálftahrina og mældust stærstu skjálftarnir þá öflugri en í gær eða allt að 2,7 stig á Richter, samkvæmt sjálfvirkum skjálftalista á vef Veðurstofunnar en í gær voru stærstu skjálftarnir um 2 stig. Þórunn tók fram að nýjustu tölur hefðu ekki verið staðfestar. Segir Þórunn að ekki sé hægt að segja til um það hvort skjálftarnir séu undanfari stærri skjálfta og það verði einfaldlega að bíða og sjá til um það.

• Síðast uppfært: 14. júlí 2004