Svona á ađ matreiđa saltfisk!

  • Fréttir
  • 3. apríl 2009
Svona á ađ matreiđa saltfisk!

Verðlaunaafhending í samkeppninni um bestu saltfiskuppskriftina sem Saltfisksetur Íslands og félagið Matur - saga - menning stóðu fyrir í tengslum við menningarviku í Grindavík, fór fram á dögunum. Margar skemmtilegar uppskriftir bárust og var dómnefnd vandi á höndum en svo fór að Fanný Erlingsdóttir bar sigur úr bítum.


Sigrún Jónsdóttir Franklín kynnti keppnina, Sverrir Halldórsson matreiðslumeistari kynnti val á réttum og Óskar Sævarsson, forstöðumaður Saltifisksetursins, afhenti verðlaunin.

Á efri myndinni fær Fanný Erlingsdóttir verðlaunin sín afhent úr hendi Óskars.

Á neðri myndinni eru: Óskar Sævarsson, Sverrir Halldórsson matreiðslumeistari og dómari mætti fyrir hönd félagsins Matur - saga - menning, Hugrún Jóhannesdóttir sem fékk 4.-5. verðlaun, Fanný Erlingsdóttir sigurvegari, Helga Kristjánsdóttir sem mætti fyrir hönd Sigríðar Klemensdóttur sem fékk 3. verðlaun og Sigrún J. Franklín sem tók við 2. verðlaunum fyrir hönd Elsu K. Kristinsdóttur


Hér eru svo þær uppskriftir sem urðu í fimm efstu sætunum.

1. sæti , Fanný Erlindsdóttir: Steiktur saltfiskur með grænmeti og kartöflustöppu

800 gr. saltfiskflök, útvötnuð og roðflett, skorin í 8 jöfn stykki.

Samsetning:

1dl hveiti.
8 hvítlauksgeirar, skornir í sneiðar.
½ dl. jómfrúarólífuolía
3 gulrætur skornar í þunna strimla
1/2 blaðlaukur, skorinn í strimla.
4-5 basilikulaufblöð skorin í strimla.
2 dl. kjúklingasoð
2 dl. rjómi, eða matreiðslurjómi.
1msk.kornsinnep.
1msk hlynsíróp.
Salt og pipar eftir smekk.

Kartöflustappan:

10 meðalstórar kartöflur soðnar.
2 msk. smjörlíki.
2 msk. sykur.
1 tsk. salt.
½ - 1 dl. rjómi eða mjólk.
½ blaðlaukur, skorinn smátt.
½ græn paprika, skorin smátt.
2 meðal stórir tómatar, kjarnhreinsaðir og skornir smátt.
2 msk. smjörlíki.

Smjörlíkið er brætt í potti. Kartöflurnar skrældar og stappað saman við, passa upp á að kartöflurnar séu vel heitar.
Sykri, salti og rjóma ( mjólk ) hrært saman við, smakkið til, á að vera dálítið sætt á bragðið.
Blaðlaukur, paprika og tómatar svitað á pönnu í smjörlíki og öllu blandað saman við kartöflustöppun

Veltið saltfiskinum upp úr hveiti og steikið í vel heitri olíunni í ca. 2 mín. á hvorri hlið.
Létt steikið hvítlaukssneiðarnar í stórum potti ( víðum ) ásamt gulrótastrimlunum og blaðlauknum.
Hellið kjúklingasoðinu yfir ásamt basilikublöðunum.
Látið sjóða vel saman. Bætið rjómanum saman við ásamt kornsinnepinu og hlynsírópinu.
Saltið og piprið eftir smekk.

2. Sæti, Elsa Karen Kristinsdóttir: Saltfiskur í þjóðbúningi

Í íslensku byggi með maltsósu. Þessi gamli guli, ekki nætursaltaður þorskur.

600-800 gr útvatnaður saltfiskur
200 gr byggmjöl
250 gr smjör, ósaltað
2 greinar blóðberg
1 grein rósmarin
3 dl malt
200 gr ísl smælki eða kartöflur
1 lítill haus blómkál
4 dl mjólk
dass af olíu

Kartöflurnar- sjóðið kartöflurnar, hellið af þeim og maukið gróft eða olífuolíu og fersku dilli, salt ef vill.

Blómkálsmauk- skerið blómkálið í bita og sjóðið í mjólkinni í mauk, sett í mixer með pipar og 50 gr smjör (einnig er hægt að setja gulrætur í staðinn fyrir blómkálið).

Fiskurinn - veltið saltfiskinum upp úr byggmjölinu og steikið á meðal heitri pönnu.

Sósan - blóðberginu, rosmarin og malti bætt út í pönnuna sjóðið í 2 mín, tekið af og mjúku smjöri hrært smá saman út í.

Borið fram með góðu salati . Ekki skemmir að hafa humarhala með ef fjárhagur leyfir. Þetta er allt íslenskt hráefni og ég er stolt af því.

3. sæti: Sigríður Klemensdóttir: Suðrænn saltfiskur

600 - 800 gr útvatnaður saltfiskur (best að vera með þykk stykki)

Marinering:
½ hvítlaukur, saxaður
¼ bolli hvítlauksedik
1/8 bolli ferskt óreganó
½ bolli sveskjur
¼ bolli ólífur
¼ bolli kapers
½ bolli sólþurrkaðir tómatar í olíu, saxaðir
1 bolli ólífuolía
6 lárviðarlauf
pipar eftir smekk
1 msk. karrí

Gjarnan má setja meira af hvítlauk, ólífum, sveskjum, kapers og/eða sólþurrkuðum tómötum eða sleppa einhverju af þessu, allt eftir smekk hvers og eins. Fyrir þá sem eru hrifir af lauk er um að gera að bæta við lauk eða rauðlauk.

Skerið salfiskinn í bita. Blandið marineringunni saman í skál og setjið saltfiskinn út í. Látið maríneast í 6 - 24 klst. Setjið síðan í eldfast mót og bætið við:
¼ bolla saxaðri steinselju
½ bolli hvítvín
½ bolli púðursykur

Steikið í 180°C heitum ofni í ca 20 mín. Borið fram með soðnum smákartöflum eða hrísgrjónum og góðu brauði.

4.-5. sæti, Þóra Sigurðardóttir: Stappaður saltfiskur

Borinn fram með nýbökuðu brauði.

Hráefni:
Saltfiskur
Kartöflur
Smjör
Hálfur hvítlaukur
Fersk steinselja og ferskur graslaukur
Piparkorn
Sítróna

Upplagt að nota afganginn af síðustu saltfiskmáltíð.
Eða: Veljið góða bita af (helst sólþurrkuðum!) saltfisk. Veljið fallegar lífrækt ræktaðar kartöflur.
Útvatnið saltfiskinn í sólarhring. Roðflettið saltfiskbitana.

Hellið ,,útvötnunarvatninu", setjið ferskt vatn í pott og látið saltfiskinn sjóða í 15-20 mínútur.
Gufusjóðið kartöflurnar - lengd suðu fer eftir stærð kartaflnanna. Skrælið kartöflurnar.
Saxið hvítlaukinn og léttsteikið í smjöri (má nota ólífuolíu; geymið steikingarsmjörið/olíuna).
Saxið kryddjurtirnar. Steytið piparkornin í mortéli.

Setjið soðna saltfiskbitana í matvinnsluvél ásamt svolitlu af soði, steiktum hvítlauk, pipar, brædda hvítlaussmjörinu/olíunni og skrældum kartöflunum.

Maukið allt saman góða stund. Bætið soði við þangað til maukið er orðið hæfilega mjúkt til að smyrja því á brauð.

Berið fiskstöppuna fram ásamt volgu nýbökuðu brauði, smjöri, söxuðum graslauk og steinselju ásamt sítrónu til að kreista yfir stöppuna.

Hráefni í brauð:
½ líter vatn
5gr. ger
1tsk. hafsalt
400 gr. lífrænt ræktað fínmalað ljóst hveiti
ca.200 gr. lífrænt ræktað íslenskt hveiti frá Þorvaldseyri.

4.-5. sæti, Hugrún Jóhannesdóttir: Saltfisksúpa:

Efni í soð:
1.l. vatn
1. stór laukur í sneiðum
4. baconsn.
2-3 sellerystönglar
2. stk. láviðarlauf
1. tsk þurrkað rósmarín.
3. Knorr nautaten.

Allt soðið rólega saman rúmlega hálfa klst. Soðið síað og sett í pott.

1 poki Svampemix
1. rauð paprika
1. dl. rautt púrtvín
1 lítill ,,Blue cheese"
800 gr. útvatnaður saltfiskur
1 peli rjómi
2. lúkur ferskt spínat.

1. poka af frosnum villisveppum bætt út í soðið. (Svampemix, fæst í Bónus og Hagkaup.) Siðan einni rauðri smátt skorinni papriku, 1dl rauðu púrtvíni og vel muldum gráðosti. Látið sjóða í nokkrar mínútur.
Bein og roðhreinsaður fiskurinn er skorinn í sykurmolastóra bita og bætt í ásamt lausþeyttum rjómanum. Suðan látin koma upp augnablik og potturinn þá tekin tekinn af hellunni. Spínatinu bætt varlega í og látið bíða í örfáar mínútur. Smakkið til, má þynna með vatni eða salta örl. eftir smekk.
Takið rautt epli (hart ekki mjölvað) og skerið í mjög smáa bita. Setjið í skál og hrærið saman við 2-3 matskeiðum af smátt skornum graslauk. Stráið 1-2 matskeiðum af eplablöndunni yfir hvern disk eftir að súpunni hefur verið ausið í þá. Gott að bera með gróft nýbakað brauð með íslensku smjöri.
Þessi réttur hefur þróast og breytst síðustu ár. Ég nota hann við hátíðlegt tækifæri sem aðalrétt, þó að hann sé súpa, við miklar vinsældir.

Deildu ţessari frétt

AĐRAR FRÉTTIR

Fréttir / 24. september 2018

Bćjarmálafundur hjá Samfylkingunni í kvöld

Grunnskólafréttir / 21. september 2018

Sigga Dögg hitti nemendur unglingastigs

Íţróttafréttir / 20. september 2018

Lokahóf knattspyrnudeildar UMFG laugardaginn 29. september

Íţróttafréttir / 18. september 2018

Grindavík falliđ úr Pepsi-deild kvenna

Fréttir frá Ţrumunni / 17. september 2018

Starfsmenn Ţrumunnar uppfullir af fróđleik eftir starfsdaga Samfés

Bókasafnsfréttir / 14. september 2018

Stormfuglar Einars Kárasonar - kynning á bókmenntaarfinum

Fréttir / 12. september 2018

Dagur lćsis á Króki

Fréttir / 12. september 2018

KK band á Fish house á laugardaginn

Lautafréttir / 12. september 2018

Foreldrafundur ţriđjudaginn 18. september í Lautinni

Fréttir / 10. september 2018

Matseđill nćstu tveggja vikna í Víđihlíđ

Nýjustu fréttir 11

Framkvćmdir hafnar á Grindavíkurvegi

  • Fréttir
  • 21. september 2018

Hljóđfćragerđ fyrir nemendur í 5. og 6. bekk

  • Tónlistaskólafréttir
  • 21. september 2018

1. bekkur í heimsókn á Ásabraut

  • Grunnskólafréttir
  • 18. september 2018

Vilt ţú eiga forsíđumynd Járngerđar?

  • Fréttir
  • 18. september 2018

Pysja kemur í heimsókn

  • Grunnskólafréttir
  • 16. september 2018