Aflaverðmæti skipa Þorbjarnar Fiskaness í Grindavík var rúmir 2,3 milljarðar króna á árinu 2003 að því er fram kemur á heimasíðu félagsins. Heildarafli skipa félagsins nam um 55 þúsund tonnum á árinu. Gnúpur GK-11 var með mest aflaverðmæti eða 617 milljónir króna. Í öðru sæti var Hrafn Sveinbjarnarson GK-244 með 586 milljóna króna aflaverðmæti og í þriðja sæti var Hrafn GK-111 með tæpar 530 milljónir króna í aflaverðmæti. Fjölveiðiskipið Grindvíkingur GK-606 var með mestan afla eða rúm 31 þúsund tonn og var aflaverðmæti skipsins tæpar 300 milljónir króna.

• Síðast uppfært: 29. desember 2003