1564. fundur bæjarráðs Grindavíkur haldinn í bæjarstjórnarsal, 26. nóvember 2020 og hófst hann kl. 17:00.
Fundinn sátu:
Hjálmar Hallgrímsson, formaður, Sigurður Óli Þórleifsson, varaformaður,
Hallfríður G Hólmgrímsdóttir, aðalmaður, Páll Valur Björnsson, áheyrnarfulltrúi og Helga Dís Jakobsdóttir, áheyrnarfulltrúi.
Einnig sátu fundinn: Jón Þórisson, sviðsstjóri fjármála- og stjórnsýslusviðs,
Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Dagskrá:
1.Forkaupsréttur vegna sölu á skuttogaranum Gnúpi GK-11, sknr. 1579 - 2011095
Þorbirni hf. hefur borist kauptilboð í togarann og er Grindavíkurbæ boðinn forkaupsréttur, sbr, 3. mgr. 12. gr. laga nr 116/2006 um stjórn fiskveiða. Bæjarráð samþykkir samhljóða að falla frá forkaupsrétti.
2.Forkaupsréttur vegna sölu á fiskiskipinu Sturlu GK-124, sknr. 1272 - 2011104
Þorbirni hf. hefur borist kauptilboð í skipið og er Grindavíkurbæ boðinn forkaupsréttur, sbr, 3. mgr. 12. gr. laga nr 116/2006 um stjórn fiskveiða. Bæjarráð samþykkir samhljóða að falla frá forkaupsrétti.
3.Rekstraryfirlit janúar - september 2020 - 2011063
Lagt fram rekstraryfirlit fyrir tímabilið janúar - september 2020. Sviðsstjóri fjármála- og stjórnsýslusviðs fór yfir helstu frávik rekstrar frá fjárhagsáætlun 2020 fyrir tímabilið janúar - september 2020.
4.Eignfærð fjárfesting jan-sept 2020 - 2011068
Sviðsstjóri skipulags- og umhverfissviðs sat fundinn undir þessum dagskrárlið. Fjárfestingaáætlun 2020 lögð fram ásamt yfirliti yfir framkvæmdir janúar - september 2020.
5.Grenndarstöðvar - 2006033
Sviðsstjóri skipulags- og umhverfissviðs sat fundinn undir þessum dagskrárlið. Upplýsingar frá Kölku um grenndargáma lagðar fram. Bæjarráð samþykkir að taka þátt í þessu verkefni.
Fleira ekki gert. Fundi slitið kl. 18:30.