Kæru nemendur og forráðamenn, föstudaginn 9. október er starfsdagur í tónlistarskólanum. Kennarar verða á rafrænu svæðisþingi ásamt tónlistarkennurum á Suðurnesjum og Suðurlandi. Eftir svæðisþingið verður svo kennarafundur þar sem samræmdar verða kennsluaðferðir í fjarnámi sem hefst á mánudaginn fyrir þá sem fæddir eru árið 2004 og fyrr. Á fundinum verður sérstaklega farið yfir samræmingu á kennsluháttum og nýjum tæknimöguleikum sem Showbie býður nú upp á. Þannig er skólinn sem best í stakk búinn til þess að veita nemendum góða eftirfylgni í tónlistarnáminu auk þess sem hægt er að veita góða þjónustu ef frekari takmarkanir verða á skólahaldi.