1558. fundur bæjarráðs Grindavíkur haldinn í bæjarstjórnarsal, 22. september 2020 og hófst hann kl. 16:00.
Fundinn sátu:
Hjálmar Hallgrímsson, formaður, Sigurður Óli Þórleifsson, varaformaður,
Hallfríður G Hólmgrímsdóttir, aðalmaður, Páll Valur Björnsson, áheyrnar-fulltrúi og Helga Dís Jakobsdóttir, áheyrnarfulltrúi.
Einnig sátu fundinn:
Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Í upphafi fundar óskaði formaður heimildar að taka á dagskrá með afbrigðum ástandið á Grindavíkurveginum sem dagskrárlið nr. 6.
Samþykkt samhljóða.
Dagskrá:
1. Kynning á Fisktækniskóla Íslands - 2009013
Ólafur Jón Arnbjörnsson skólameistari og Ólafur Þór Jóhannsson formaður stjórnar mættu á fundinn og kynntu starfsemina.
2. Aðalfundur SSS 2020 - 2009123
Aðalfundur SSS verður haldinn 10. október.
3. Íbúafundur í Stapa og viljayfirlýsing Vinnumálastofnunar - 2009121
Með viljayfirlýsingunni mun Vinnumálastofnun í samstarfi við sveitarfélög og fyrirtæki á Suðurnesjum vinna að því að skapa störf með tímabundnum ráðningarstyrkjum, nýsköpunarstyrkjum og vinnustaðaþjálfun.
4. Uppbygging þjónustumiðstöðvar við Reykjanesvita - 2009110
Bláa Lónið vinnur að uppbyggingu fyrir ferðamenn við Reykjanesvita. Verulega hefur skort á vandaða þjónustuaðstöðu á vestanverðu Reykjanesi. Bæjarráð Grindavíkur telur mjög mikilvægt að bæta þessa aðstöðu og fagnar framtaki Bláa Lónsins og fleiri aðila við að styrkja Reykjanesið sem áfangastað með fyrirhugaðri uppbyggingu og rekstri þjónustumiðstöðvar á svæðinu. Einnig er gert ráð fyrir kynningum á sögu, gönguleiðum og jarðfræði Reykjaness þar sem margir áhugaverðir staðir verða kynntir frekar.
5. Rekstrarleyfi veitingastaðar í flokki II - Golfklúbbur Grindavíkur - 2008001
Fyrir liggja umsagnir frá HES, Slökkviliði Grindavíkur og byggingarfulltrúanum í Grindavík. Bæjarráð samþykkir veitingu leyfisins.
6. Ástandið á Grindavíkurveginum - 2009134
Bæjarráð felur bæjarstjóra að vinna málið áfram.
Fleira ekki gert. Fundi slitið kl. 17:10.