47. fundur umhverfis- og ferðamálanefndar haldinn í bæjarstjórnarsal, 16. september 2020 og hófst hann kl. 16:15.
Fundinn sátu:
Sigurveig Margrét Önundardóttir, aðalmaður,
Klara Bjarnadóttir, aðalmaður,
Teresa Björnsdóttir, aðalmaður,
Sigríður Etna Marinósdóttir, formaður,
Unnar Á Magnússon, aðalmaður,
Fundargerð ritaði: Kristín María Birgisdóttir, Upplýsinga- og markaðsfulltrúi.
Í upphafi fundar óskaði formaður eftir að mál númer 2009093 yrði tekið inn með afbrigðum. Samþykkt samhljóða
Dagskrá:
1. Markaðsátak 2020 - 2009066
Lagt fram til kynningar. Nefndin leggur til að markaðsefnið verði nýtt áfram og að fyrir næsta sumar fari herferðin fyrr af stað og vari lengur.
2. Verkefni umhverfis- og skipulagssviðs - 2008107
Nefndinni líst vel á tillögurnar og fagnar því að farið var í þessa vinnu. Nefndin er sammála um að mikilvægt sé að fara í framkvæmdir á opnum svæðum innan bæjarins og leggur til að farið verði í uppbyggingu á svæðinu við Hraunbraut (Krílakot)fyrst. Einnig leggur nefndin til að farið verði í hönnun og uppbyggingu á svæðinu við gömlu kirkjuna og Laut/Dalbraut. Við Laut verði útbúið grænt svæði til útivistar og við gömlu kirkjuna verði fundin hentug lausn svo nýta megi lóðina.
3. Grænni Grindavík - 2003032
Nefndin lýsir yfir vonbrigðum sínum með ákvörðun bæjarráðs að segja upp samningi við Klappir grænar lausnir loksins þegar fyrir lá framkvæmdaráætlun fyrir sveitarfélagið. Lagt er til að ákvörðunin verði endurskoðuð og að bæjarfulltrúar fái kynningu frá Klöppum grænum lausnum um verkefnið.
4. Fjárhagsáætlun 2021-2024 - Grindavíkurbær og stofnanir - 2007003
Farið yfir þau verkefni sem nefndin leggur áherslu á í fjáhagsáætlun næsta árs.
5. Grindavíkurskip - 2009093
Lagt fram erindi frá Ólafi Ragnari Sigurðssyni um smíði áttærings og staðsetningu hans þegar hann er fullbúinn. Nefndin lýsir ánægju sinni með erindið og telur mikilvægt að það fái jákvæðar undirtektir.
Fleira ekki gert. Fundi slitið kl. 18:15.