Ólöf Helga Pálsdóttir hefur verið ráðin þjálfari meistaraflokks kvenna í körfuknattleik hjá Grindavík og mun þjálfa liðið í 1. deild á næstu leiktíð. Ólöf Helga gerir þriggja ára samning við félagið eða til vors 2023.
Ólöf Helga er okkur Grindvíkingum að góðu kunn. Hún lék upp alla yngri flokka hjá félaginu og var lykilleikmaður í meistaraflokki félagsins um árabil. Hún hefur síðustu tvö tímabil þjálfað meistaraflokk kvenna hjá Haukum í Dominos-deildinni en var áður sigursæll þjálfari í yngri flokkum hjá Grindavík. Ólöf Helga tekur við liðinu af Jóhanni Árna Ólafssyni.
Við óskum Ólöfu Helgu til hamingju með stöðuna!