Breyting á tilkynningu vegna ađalskipulags

  • Fréttir
  • 23. mars 2020
Breyting á tilkynningu vegna ađalskipulags

Bæjarstjórn Grindavíkur auglýsir hér með tillögu að Aðalskipulagi Grindavíkur 2018-2032 samkvæmt 31. gr. skipulagslaga nr. 123/2010. Samhliða er auglýst tillaga að umhverfisskýrslu samkvæmt 7. gr. laga um umhverfismat áætlana nr. 105/2006.  

Í tillögunni kemur m.a. fram stefna sveitarfélagsins um innviði, þróun byggðar og landnotkun.  Aðalskipulagstillagan nær til alls sveitarfélagsins og er sett fram í greinargerðum, tveimur skipulagsuppdráttum og skýringaruppdráttum.  

Efni tillögunnar varðar alla íbúa og eru þeir hvattir til að kynna sér skipulagsgögnin sem eru aðgengileg á tenglum hér fyrir neðan. Þau liggja líka frammi til sýnis á skrifstofu Grindavíkurbæjar og hjá Skipulagsstofnun frá 21. febrúar 2020. Athugasemdafrestur hafði verið framlengdur til 20.apríl en vegna Covid 19 er ljóst að hann framlengist um nokkrar vikur til viðbótar, hið minnsta. Að loknum athugasemdafresti mun bæjarstjórn taka afstöðu til athugasemda og afgreiða tillöguna til staðfestingar Skipulagsstofnunar. 

Athugasemdir skal senda skriflega á netfangið atligeir@grindavik.is eða til Grindavíkurbæjar og merkja, endurskoðun aðalskipulags, Víkurbraut 62, 240 Grindavík.  

Uppfærsla á uppdráttum - 23.03.2020
Grindavíkurbæ bárust ábendingar um að misræmi væri á milli uppdrátta hvað varðar stígakerfi. Skýringaruppdráttur er fyrir stígakerfi en einnig er að finna stígakerfið á sveitarfélagsuppdrætti og þéttbýlisuppdrætti. 

Grindavíkurbær leitaði til Skipulagsstofnunar varðandi málsmeðferðina þar sem að tillagan er í auglýsingarferli. Stofnunin ráðlagði að uppdrættir væru leiðréttir. Því hefur misræmið í stígakerfinu verið leiðrétt á sveitarfélagsuppdrætti, þéttbýlisuppdrætti og skýringaruppdrætti fyrir stíga. Þeir sem hafa athugasemd/ábendingu varðandi stígakerfið eru hvattir til að senda sína athugasemd/ábendingu skriflega á atligeir@grindavik.is á meðan að tillagan er í auglýsingu. 

Sökum aðstæðna í þjóðfélaginu um þessar stundir þá er íbúafundi frestað um óákveðinn tíma. Íbúafundur verður auglýstur sérstaklega með góðum fyrirvara og kjölfarið nýr frestur til að skila inn athugasemdum við tillöguna. 

Atli Geir Júlíusson
Sviðsstjóri skipulags- og umhverfissviðs Grindavíkurbæjar

Greinargerð

Forsendu- og umhverfisskýrsla

Sveitarfélagsuppdráttur

Þéttbýlisuppdráttur

Skýringaruppdráttur 1A: Samgöngur - stígar

Skýringaruppdráttur 1B: Samgöngur - vegir

Skýringaruppdráttur 2: Eignarhald

Skýringaruppdráttur 3: Vatnsvernd

Skýringaruppdráttur 4: Verndarsvæði


 


 


Deildu ţessari frétt

AĐRAR FRÉTTIR

Fréttir / 26. mars 2020

Árétting vegna skólastarfs

Fréttir frá Ţrumunni / 25. mars 2020

Rafrćn Ţruma

Fréttir / 23. mars 2020

Ađalfundi Ţórkötlu frestađ

Fréttir / 23. mars 2020

Íţróttamannvirkjum lokađ

Fréttir / 20. mars 2020

Samkomubann og börn

Fréttir / 19. mars 2020

Leikskólinn Laut opnar aftur á morgun