Neyðarstjórn Grindavíkurbæjar og skólastjórnendur bæjarins hafa fundað vegna covid-19 og samkomubanns sem tekur gildi á miðnætti. Niðurstaðan er í takt við útgefin fyrirmæli frá Sambandi íslenskra sveitarfélaga og kennaforystu landsins um að vera með starfsdag í öllum skólum á morgun. Þetta á við um leik-, grunn- og tónlistarskóla.
Við blasir að framundan verður skert starfssemi á öllum skólastigum en nánari útlistun á fyrirkomulagi verður gefin út á morgun.
Allar skipulagðar íþróttaæfingar falla einnig niður á morgun.
Fyrirtæki og atvinnurekendur í sveitarfélaginu eru hvattir til að sýna ástandinu skilning og veita þann sveigjanleika sem unnt er.