42. fundur umhverfis- og ferðamálanefndar haldinn í bæjarstjórnarsal, miðvikudaginn 29. janúar 2020 og hófst hann kl. 17:00.
Fundinn sátu:
Klara Bjarnadóttir, aðalmaður, Teresa Björnsdóttir, aðalmaður, Sigríður Etna Marinósdóttir, formaður og Kári Guðmundsson, áheyrnarfulltrúi.
Fundargerð ritaði: Krisín María Birgisdóttir, Upplýsinga- og markaðsfulltrúi.
Dagskrá:
1. Þjónustuskilti við innkomu bæjarins - 1906035
Nefndinni líst vel á þá tillögu sem fyrir liggur. Hins vegar vill nefndin sjá fleiri útfærslur varðandi litapallettu. Passa þarf að skiltið sé sýnilegt. Litir séu sjáanlegir en ekki of æpandi.
2. Tjaldsvæði 2020 - 1910027
Leigusamningur lagður fram til kynningar.
3. Skipulag og umhverfi hafnarsvæðis og sjómannagarðs - 1910002
Drög að hönnun lögð fram til kynningar. Nefndin lýsir yfir ánægju með drögin en leggur til að kannaður verði kostnaður við hönnun og framkvæmd Hafnargötunnar alla leið í vestur og yfir Ægisgötuna.
4. Rafhleðslustöðvar: Mögulegar staðsetningar og kostnaðargreining - 1709062
Nefndin fór yfir mögulegar staðsetningar fyrir rafhleðslustöðvar innan sveitarfélagsins. Nefndin var sammála um að forgangsraða þannig að fyrst yrði hugað að hleðslustöð við íþróttamiðstöðina, síðan verslunarmiðstöðin og þá Kvikuna. Nefndin myndi þó vilja sjá hleðslustöðvar sem víðast í sveitarfélaginu eins og við Iðuna og grunnskólann og síðan tjaldsvæðið. Mikilvægt er að Grindavíkurbær fylgi þeirri þróun sem á sér stað í rafbílavæðingu.
5. Sveitarfélögin og heimsmarkmið Sameinuðu þjóðanna - 1902060
Nefndinni líst vel á þá vinnu sem hafin er varðandi heimsmarkmið Sameinuðu þjóðanna. Ánægjulegt er að sjá sveitarfélögin á Suðurnesjunum auk Isavia og Kadeco vinna að sameiginlegri sýn og mælanlegum markmiðum fyrir svæðið.
6. Starfshópur um skógræktarsvæði í Grindavík - 2001069
Nefndin samþykkir að skipa formann nefndarinnar, Sigríði Etnu Marinósdóttur í starfshópinn.
Fleira ekki gert. Fundi slitið kl. 18:45.