1532. fundur bæjarráðs Grindavíkur haldinn í bæjarstjórnarsal, þriðjudaginn 19. nóvember 2019 og hófst hann kl. 17:00.
Fundinn sátu: Hjálmar Hallgrímsson, formaður, Sigurður Óli Þórleifsson, varaformaður, Páll Valur Björnsson, aðalmaður, Helga Dís Jakobsdóttir, áheyrnarfulltrúi og Hallfríður G Hólmgrímsdóttir, áheyrnarfulltrúi:
Einnig sátu fundinn: Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Dagskrá:
1. Kostnaðarframlag vegna aðalskipulags Grindavíkurbæjar - 1911042
Sviðsstjóri skipulags- og umhverfissviðs sat fundinn undir þessum dagskrárlið.
Lagt fram minnisblað frá sviðsstjóra skipulags- og umhverfissviðs.
Bæjarráð leggur til við bæjarstjórn að óska eftir hærra framlagi frá Skipulagsstofnun vegna meiri vinnu við aðalskipulag sem nú er í gangi.
2. Kaldavatnsstofn Grindvíkurbæjar - 1911046
Sviðsstjóri skipulags- og umhverfissviðs sat fundinn undir þessum dagskrárlið og gerði hann grein fyrir málinu.
3. Verkefnastjóri Kvikunnar - 1910063
Sviðsstjóri frístunda- og menningarsviðs sat fundinn undir þessum dagskrárlið.
Listi yfir 12 umsækjendur um starf verkefnastjóra framtíðarþróunar Kvikunnar lagður fram.
4. Stefnumótun fyrir Kvikuna - 1905029
Sviðsstjóri frístunda- og menningarsviðs sat fundinn undir þessum dagskrárlið.
Lögð fram 90 daga aðgerðaráætlun og forgangsröðun verkefna fyrir Kvikuna.
5. Fjölþætt heilsuefling 65 í Grindavík - Heilsuefling fyrir eldri aldurshópa - 1909200
Sviðsstjóri frístunda- og menningarsviðs sat fundinn undir þessum dagskrárlið og kynnti hann stöðu málsins.
Lögð fram drög að samstarfssamningi við Janus - heilsueflingu um heilsueflingar- og rannsóknarverkefnið Fjölþætt heilsuefling 65 ára og eldri í Grindavík - Heilsuefling fyrir eldri aldurshópa.
Sviðsstjóra frístunda- og menningarsviðs falið að vinna málið áfram.
6. Aðalstjórn UMFG: Samstarfssamningur 2019-2021 - 1710022
Sviðsstjóri frístunda- og menningarsviðs sat fundinn undir þessum dagskrárlið og kynnti hann stöðu málsins.
Lögð fram drög að samningi við UMFG.
Bæjarráð vísar samningnum til samþykktar í bæjarstjórn.
7. Fyrirspurn um kaup á bátasafni - 1910089
Sviðsstjóri frístunda- og menningarsvið sat fundinn undir þessum dagskrárlið.
Lögð fram fyrirspurn um áhuga á kaupum á bátasafni. Frístunda- og menningarnefnd leggur til við bæjarráð að afþakka tilboðið þar sem safnið hefur ekki beina tengingu við Grindavík.
Bæjarráð tekur undir með frístunda- og menningarnefnd og afþakkar tilboðið þar sem Grindavíkurbær hefur ekki aðstöðu til að geyma safnið.
8. Eldhugar syngja í Eldborg - Styrkbeiðni - 1911041
Sviðsstjóri frístunda- og menningarsvið sat fundinn undir þessum dagskrárlið.
Eldey, kór eldri borgara á Suðurnesjum, óskar eftir styrk vegna tónleika sem fram fara í Hörpu 1. desember nk.
Bæjarráð samþykkir að styrkja kórinn um 50.000 kr.
9. Landakaup - Iðnaðarsvæði i5 - 1909199
Fyrir liggur tillaga að afsali um kaup Grindavíkurbæjar á tæplega 54 ha landi sem bærinn á rétt á að kaupa. Greiðsla fyrir landið mun eiga sér stað á árinu 2019.
Bæjarráð vísar afsalinu til samþykktar í bæjarstjórn.
Bæjarráð leggur til við bæjarstjórn að samþykkja viðauka við fjárhagsáætlun 2019 að fjárhæð 110.000.000 kr. sem komi til lækkunar á handbæru fé.
Jafnframt felur bæjarráð sviðsstjóra fjármála- og stjórnsýslusviðs að fella út úr fjárhagsáætlun 2020 kr. 120.000.000 sem ætluð voru til kaupa á umræddu landi.
10. Fjárhagsáætlun 2020-2023 - Grindavíkurbær og stofnanir - 1907008
Slökkviliðsstjóri kom inn á fundinn við umræður um slökkvilið.
Bæjarráð vísar áætluninni til síðari umræðu í bæjarstjórn með þeim breytingum sem lagðar voru til á fundinum.
11. Rekstraryfirlit janúar - september 2019 - 1911040
Lagt fram rekstraryfirlit fyrir tímabilið janúar - september 2019.
Sviðsstjóri fjármála- og stjórnsýslusviðs fór yfir helstu frávik rekstrar frá fjárhagsáætlun 2019 fyrir tímabilið janúar - september 2019.
12. Sveitarfélögin og heimsmarkmið Sameinuðu þjóðanna - 1902060
Boðað er til tengifundar samstarfsnefndar sveitarfélaga um loftslagsmál og heimsmarkmiðin. Grindavíkurbær getur tilnefnt tvo tengiliði við verkefnið.
Bæjarráð tilnefnir Kristínu Maríu Birgisdóttur, upplýsinga- og markaðsfulltrúa
og Helgu Dís Jakobsdóttur, bæjarfulltrúa.
Fleira ekki gert. Fundi slitið kl. 19:15.