Samningur um nýja Sóknaráætlun fyrir Suðurnes undirritaður í dag

• Fréttir
• 12. nóvember 2019

Samningur um nýja Sóknaráætlun fyrir Suðurnes var undirritaður í Ráðherrabústaðnum í dag. Markmið samningsins er að efla byggðaþróun og auka samráð milli ráðuneyta á sviði byggðamála, innan hvers landshluta og milli stjórnsýslustiga, jafnframt að færa til sveitarstjórna aukna ábyrgð á sviði byggða-og samfélagsþróunar. Einar Jón Pálsson formaður stjórnar SSS undirritaði samninginn fyrir hönd Suðurnes. 

Samkvæmt samningnum fær svæðið 84.207.273 árið 2020 auk 9.000.000 kr mótframlags frá sveitarfélögum á Suðurnesjum

Meðfylgjandi myndir tók Berglind Kristinsdóttir, framkvæmdastjóri Samtaka sveitarfélaga á Suðurnesjum. Að hennar sögn er nú unnið að því að klára yfirferð áætlunarinnar. Hún fer síðan  í samraðsgatt þar sem íbúar Suðurnesja geta lesið hana yfir og sent inn umsögn.

Mynd efst: f.v. Einar Jón Pálsson formaður stjórnar SSS, Sigurður Ingi Jóhannsson samgöngu- og sveitarstjórnarráðherra, Lilja Dögg Alfreðsdóttir menna- og menningarmálaráðherra og Berglind Kristinsdóttir framkvæmdastjóri SSS.

Hægt er að glöggva sig betur á innihaldi sóknarætlunar með því að skoða þá sem var í gildi árið 2015-2019 hér. 

• Síðast uppfært: 12. nóvember 2019